Российысе конкурсышто сеҥымылан кӧра Волжск олан рӱдӧ площадьше йӧршын вес тӱсым налын

Российысе конкурсышто сеҥымылан кӧра Волжск олан  рӱдӧ площадьше йӧршын вес тӱсым налын
            Российысе конкурсышто сеҥымылан кӧра Волжск олан  рӱдӧ площадьше йӧршын вес тӱсым налын. Марий Элым вуйлатыше Юрий Зайцевын кӱштымыжӧ почеш правительстве вуйлатышын икымше алмаштышыже Михаил Васютин паша дене Волжск олаш миен. Тудо кӱлешан социал объект- влакым ончен: 12-шо номеран кыдалаш школым, тулык йоча- влаклан Волжскысо рӱдерым, «Волжск оласе ончыкылыкан йоча» ушемым. Тиддеч посна Михаил Васютин «Воин- влаклан обелиск» чапкӱ воктенысе скверыш, олан рӱдӧ площадьышкыже миен. Нуным эртыше ийын «Оласе йӧнан кумдыкым ыштымаш» федерал проект кышкарыште уэмдыме. Рӱдӧ площадьым  тӱзландарыме проект Россий кӱкшытан 7-ше конкурсышто сеҥышыш лектын ыле. Калыклан канаш тушто чыла йӧным ыштыме. Михаил Васютин тыгак Ончычсо «Родина» кинотеатрым чоҥымо площадкыште лийын. Пужен ыштыме деч вара тушто йоча сымыктыш школ лиеш. Объектыште пашам «Тӱвыра» калыкле проект кышкарыште шуктат. Ончымо деч  вара Волжск ола администрацийыште совещаний эртен. Погынышо- влак социал объект- влакым чоҥымо да капитально олмыктымо йодышлам каҥашеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски