Республикыштына ял озанлыкыште кучылтшаш мландылан инвентаризацийым ыштыме

Республикыштына ял озанлыкыште кучылтшаш мландылан инвентаризацийым ыштыме
            Республикыштына ял озанлыкыште кучылтшаш мландылан инвентаризацийым ыштыме. Инвентаризацийын лектышыжым Республикым вуйлатыше Юрий Зайцевын эртарыме Правительствын заседанийыштыже каҥашыме. Кугыжаныш Пого министр Алексей Плотников увертарен: республикысе ял озанлык мландын тӱшка кумдыкшо 702 тӱжем гектарым айла. Эн кугу кумдыкшо 87 тӱжем гектар Марий Турек районышто верлана, эн изиже- 8 тӱжем утла гектарже- Юрино районышто. Тергыме годым кучылтдымо мланде ужаш- влакымат рашемдыме. 6 тӱжем утла гектарыш погынышо 24 у участкым ыштыме, кум у ойпидышым кылдыме, мланде участкылам ышташ субсидийым пуашлан йодмаш- влакым колтымо. Марий Элым вуйлатыше район администраций- влаклан кучылтдымо мланде участкылан спискыштым ышташ, кучылтдымо мландылан муниципал пого шотышто правам регистрироватлаш кӱштен. Каҥашыме эше ик йодыш пӧрт да пачер кӧргысӧ газ оборудованийым кучылтмо годым лӱдыкшыдымылыкым ыштыме дене кылдалтын. Кугыжаныш илыме вер надзор департаментым вуйлатыше Эльвира Гамерова каласен: 2023-шо ийын лектышыже почеш 361 тӱжем пачер кӧргысӧ, ныл тӱжем наре пӧрт кӧргысо газ оборудованийым обслуживатлыме, оборудованийым олмыкташ пуымо куд тӱжем утла йодмашым шуктымо, тынарак оборудованийым вашталтыме.
             Фото: Марий Элым вуйлатышын администрацийжын увер дене пашам ыштыше пӧлкаже.


Прошлые выпуски