Январьыште вуйлатыше- влак калык дене вашлийыт
Январьыште мер приёмныйышто калыкым приниматлыме графикым савыктыме. Тылзе мучко тудо эре ик жапыште лиеш: 14 гыч 17 шагат марте. Тудо Йошкар-Оласе Гагарин проспектысе 8-ше пӧртын 320-шо пӧлемыштыже эрта. Тушко мияшлан ончылгоч 42-27-00 телефон дене возалташ кӱлеш. Таче связь, увер технологий да тӱшка коммуникаций аланыште тергыше федерал службын виктемжым вуйлатышын сомылжым шуктышо Павел Марченко калык дене вашлийын. 14-ше январьыште Социал страхований фондын верысе пӧлкажым виктарыше Александр Щитов деч умылтарымашым налаш лиеш. 15-ше январьыште «Йошкар-Олаште калыклан соцмал полышым пуышо рӱдерым вуйлатыше Людмила Шипунова приёмым эртара. 16-шо числаште туныткыш министр Наталья Адамова деке мияш лиеш. 21-ше январьыште республикысе транспорт да корно озанлык министрын сомылжым шуктышо Александр Желонкин йодышлан ваштешта. Приём- влак тыгак 22-шо, 23, 28, 29 да 30-шо январьыште лийыт.
