Росгвардийын кадетше- влак кок тылзе утла тунеммыштым иктешленыт

Йошкар-Оласе 14-ше номеран гимназийыште Росгвардийын самырык кадетше- влакын тунемме жапыштын икымше иктешлымашыжым ыштыме. Рвезе-ӱдыр- влакым саламлаш Росгвардийын республикысе виктемжым вуйлатышын алмаштышыже, полковник Рамиль Аюпов миен. Шке ойыштыжо тудо школым вуйлатыше- влаклан профиль классым почаш йӧным ыштымыштлан да самырык тукымым патриотизм шӱлышеш шуарымаште полышым пуымыштлан тауштен ойлен. Тудын мутшо почеш кадет класс тунеммаште сай лекышым ончыктен. У ийыштат эшеат сай кӱкшытыш шуыда манын ӱшаным каласен. Школ директорын алмаштышыже тыге ойлен: кадет класс- школын кугешнымашыже, моло тунемшылан пример лийын шога. Пайрем выступленийыште самырык кадет- влак налме шке шинчымашыштым, моштымашыштым, кучедалмаште мастарлыкым ончыктеныт, шинчам петырен автоматым рончен-погеныт.  Мероприятийын волгыдо ужашыже семын «Кадет вальс» куштымаш лийын. Ушештарена: 14-ше гимназийыште 19-ше ийын октябрьыште Росгвардийын икымше кадет классше почылтын. Тушко 25 еҥым ойырен налме ыле.

Прошлые выпуски