Икымше январь гыч шӱк-куштырам шупшыктымлан шагалрак тӱлена
Республикым вуйлатышын кӱштымашыж почеш шӱк-куштырам шупшыктымлан калыкын тӱлымӧ тарифшым иземдыме шотышто йодышым виктарен колтымо. Икымше январь гыч икымше операторын обслуживатлыме чыла кундемыште илыше- влак (тиде Юл эҥерын шола сер могырыштыжо) 9 процентлан шагалрак тӱлаш тӱналыт. Тений тиде пашалан 82 теҥгеат 73 ырым тӱленна гын, у ий гыч 74 теҥгеат 83 ыр лиеш. У ий каныш жапыште тӱҥ партийын марий пӧлкажын «Самырык- влак гвардийже» кудывечыла гыч шӱк-куштырам кузе шупшыктымым тергаш тӱҥалеш. Йодыш лектеш гын, нуно вигак регионысо операторлан увертарат. Верысе калыкат операторлан 31-24-24 номеран телефон дене йыҥгыртен кертеш.
