«Тавридын» посолжым ойыраш тӱҥалыт
Февральыште «Посол Тавриды» Россий кӱкшытан конкурс тӱҥалеш. «Таврида»- тиде самырык- влакын федерал кӱкшытан форумышт. Тудо март гыч октябрь марте Крымыште эрта. Мероприятий уло эл гыч талантан да ончык шонышан самырык- влакын ужен шогышо кӱлешан событийлан шотлалтеш. 15 тематик смене кышкарыште усталык паша дене кылдалтше самырык профессионал- влак тӱвыран да сымыктышын сулло пашаеҥышт дене вашлийыт, опыт дене вашла палыме лийыт, пырля проектым ыштат, грант конкурслаште вийыштым тергат. Идалык еда кажне регион гыч форумын кураторжо ойыралтеш. Тудо «Тавридын» посолжо манылтеш да шке регионыштыжо форумын ик официальный представительже лиеш. Тудо форумын презентацийжым эртара, мероприятийлашке ушнаш эн уста самырык- влакым ойырен налеш. 2019-ше ийыште Марий Эл гыч конкурсышто Елена Кисель сеҥышыш лектын ыле. Идалык мучко тудо «Тавридын» посолжо- влакын сменыштыже лийын, «Таврида АРТ» иктешлыше фестивальыш миен, шке компетенцийжым нӧлтен.
