Александр Евстифеев полпред ден тазалыкаралтыш министрын пырля эртарыме совещанийыштышт участвоватлен

                   Александр Евстифеев Юл кундем округышто Россий президентын полномочный представительже Игорь Комаров да Элысе тазалыкаралтыш министр Михаил Мурашкон пырля эртарыме совещанийыштышт участвоватлен.  Вашлиймашыште Юл кундем округышто коронавирус чер ваштареш кучедалме мера- влакым шыҥдарымаште кучем орган дене вашкылым ыштыме да пашам виктарыме нерген мутланыме. Роспотребнадзор виктемын увертарымыж почеш республикыште черланыме шотышто сӱрет икгайрак кучалтеш. Пытартыш кок арня жапыште суткаште 49-53 черланыше еҥ рашемдалтеш. Эн шуко черланыше- влак Йошкар-Олаште палемдалтыт- 52 процент наре, Медведево районышто 10, Волжскышто 9 наре процент. Шукырак черланыше илалше- влак коклаште палдырна-33 процент, пашазе- влак коклаште 26, медицина пашаеҥ- влак 11, служащий-8 процент. Республикысе койко фондын 78 процентше кучылталтеш. Кислород полышым 500 еҥ налеш, ИВЛ дене 32 еҥ пайдалана. Кодшо арня мучаш марте 8 тӱжемат 138 еҥын чержым лабораторно пеҥгыдемден ончыктымо. Медицина эскерымаште тӱжемат пеле утла еҥ кодеш. Ик суткаште лабораторий- влак тӱжемат 360 тергымашым эртарат. Чылаже 218 тӱжемат 367 тергымашым эртарыме. Медицина полыш мӧҥгыштат пуалтеш. Амбулаторно эмлалтше- влаклан налме эм 11-ше ноябрь гыч пуатеш. Тымарте тудым 848 пациент налын.

Прошлые выпуски