Илалше- влаклан черетан самоизоляций режим тӱҥалын
Республикыштына пашам ыштыше 65 ияш да кугурак ийготан еҥ- влаклан таче Республикым вуйлатышын распоряженийже почеш черетан самоизоляций режим тӱҥалеш. Социал страхований фондын регионысо пӧлкаштыже увертарыме почеш, 65 ияш да кугурак ийготан пашам ыштыше еҥ- влаклан 14-ше декабрь гыч 27-ше декабрь марте эмлыме верыш мийыде, дистанционно больничныйым возен кертыт. Исключений семын але тиде радамышке дистанций гыч пашам ыштымашке кусарыме да отпускышто улшо- влак огыт пуро. Тиде жапыште пенсионер- влак самоизоляций режимым эскерышаш улыт. Ведомствыште тидымат ушештарат: пашам пуышо- влак фондын верысе пӧлкашкыже 65 ияш кугурак пашаеҥ- влак шотышто тиде пособийым тӱлаш кӱлеш уверым пуышаш улыт.
