Александр Евстифеев Правительствын тенийсе пашажлан отчётым ыштен
Республикым вуйлатыше Александр Евстифеев Правительствын тенийсе пашажлан отчётым ыштен. Правительстве ден Кугыжаныш Погынын депутатше- влакын пырля эртарыме заседанийышт Конгресс-влак полатыште эртен. Тушто Марий Эл деч сенатор Константин Косчёв, кугыжаныш кучем органлам вуйлатыше, кугыжаныш служащий, ола округ да муниципал образований вуйлатыше-влак лийыныт. Александр Евстифеев тений эртарыме пале да кугу мероприятий- влакым ушештарен. Эн ончычак тиде калыкле-проект- влак. 11 проект кышкарыште 53 региональный проект шыҥдаралтеш. Тиде пашан тичмаш акше 2024-ше ий марте 58 миллиард теҥгеш шуэш, тенийлан 10 миллиард. Кугу Сеҥымашлан 75 ий темме да республикын 100 ияш лӱмгечыже кышкарыште ятыр пашам шуктымо. Республикыш Российын премьер-министрже Михаил Мишустин толын каен. «Газпромым» вуйлатыше Алексей Миллер дене республикым 2025-ше ий марте газифицироватлыме уэмдыме программым пеҥгыдемдыме. Кугыжаныш парымым иземден кертме. Республикым вуйлатыше тыгак экономикын кажне отрасльыштыже сеҥымаш- влакым палемден да ыштышаш пашам рашемден. Тыгак тудо Россий Федерацийын да Марий Эл Республикын наградыжым кучыктен. Шым еҥ Россий кӱкшытан награде дене палемдалтын, кум еҥ «Марий Эл ончылно надырлан» орденын медальжым налын.
