Александр Евстифеев «Геникс» фирмын лабораторий ден цехлаштыже лийын
Марий Элым вуйлатыше Александр Евстифеев «Геникс» фирмын лабораторий ден цехлаштыже лийын. Тиде предприятийын сатужо пандемий жапыште моткоч кугу йодмаш дене пайдалана. Тудо корновирус мартеат эрыкташ кучылтмо шке продукцийжым элна мучко колтылын. Ынде тиде лӱмым тӱнямбалнат палат. Предприятийын кузе ыштымыжым аклаш республикым вуйлатыше производственный цехлажым ончен лектын. Тиде бизнсым тӱҥалше Геннадий Никитин заводшо мучко экскурсийым эртарен. Тыгай ситуаций ок лий ыле гынат, предприятий тымартат лектыш да парыш дене пашам ыштен. Идалык еда производство кугытым тудо 10 процентлан ешарен толеш, - каласен республикым вуйлатыше. Тений производство 20 процент нарылан ешаралтын. Кызыт тудо 150 наре тӱрлӧ мушмо, дезинфицироватлыше средствым луктеш. Сату кӱкшӧ качестван, экологийлан лӱдыкшым ок лук. Предприятийын шкенжын шанче-производственнный, лабораторный, экспериментальный базыже уло. Тышечынак сай показатель- влак улыт. Паша лектышат, пашадарат, пашам ыштыме йӧнат, социал пакетат куандарыше улыт. Фирма кызыт Российысе рынкылан гына пашам ышта, 74 регионыш сатум колта. Йот эллаш колтымым ик жаплан
чарыме. Тидыже изиш тургыжланымашым луктеш: налше- влакым йомдараш огыл ыле. Молан манаш гын, эпидемий эрта, а пашам умбакыжат ыштыман.
чарыме. Тидыже изиш тургыжланымашым луктеш: налше- влакым йомдараш огыл ыле. Молан манаш гын, эпидемий эрта, а пашам умбакыжат ыштыман.
