Кино Фонд кинозал- влакым уэмдаш полшаш йодмаш- влакым налаш тӱналын
«Тӱвыра» калыкле проект кышкарыште Кино Фонд кинозал- влакым уэмдаш полшаш йодмаш- влакым налаш тӱналын. Субсидийым 500 тӱжем марте еҥ илыман ола ден посёлко- влак налын кертыт. Йодмашым 30-шо апрель марте пуаш лиеш. Оксам налме условий дене келшышын, кином ончыкташ у оборудованийым шындышаш да тений 31-ше декабрь марте билетым ужален, кином ончыкташ тӱҥалшаш улыт. Ончыктымо нерген уверым кинозаллаште фильмым ончыктымо нерген данныйым погышо единый федерал автоматизрованный системыш колтыман. Кугыжаныш полышым налме тӱҥ условийлан теве мо шотлалтеш: вич ий жапыште кварталыште пелыже деч шагал огыл калыкле фильм- влакым ончыктыман да кажне кечын кино лийшаш.
