Марий Элыште пашадар шотышто парым ик тылзыште пел миллион теҥгелан ешаралтын
Марий Элыште пашадар шотышто парым ик тылзыште пел миллион теҥгелан ешаралтын. Изи предпринимательствыш пурыдымо организаций- влакын ончыктымышт почеш, икымше мартлан шотлымаште, пашадар парым республикыште 8 миллионат 113 тӱжем теҥгеш шуын. Икымше февраль дене таҥастарымаште тудо 584 тӱжем теҥгелан ешаралтын, але 7,8 процентлан. Чылаже 415 еҥ пашадарым жапыштыже налын огыл. Эн кугу парым ял озанлыкыште да чодырам ямдылымаште погынен. Тичмаш парым деч нунын ужашышт 46 процентым эртен. Панкрут радамыш шушо организацийлаште кок миллионат 298 тӱжем теҥгем тӱлен шуктымо огыл, але 28 процентым. Бюджет велым парым уке.
