Марий Элым вуйлатыше корновирус шотышто оперативный штабын заседанийжым эртарен

Марий Элым вуйлатыше  республикышке корновирус инфекцийым кондымо да шарымашым шижтарыме шотышто оперативный штабын заседанийжым эртарен. Заседанийыште приниматлыме мерын пайдалыкше да лектышыже нерген ойлымо. Паледыме: Российыште кече еда черланыше- влакын чотышт кушкын толеш. Йодышым Элын Президентше дене Правительстве контрольышто кучат. 21-ше мартлан шотлымаште республикыште черланышым палемдыме огыл. Медицина эскерымаште 427 еҥ шотлалтеш. Тидын нерген тӱҥ санитар врач Светлана Булатова увертарен. Тымарте инфекциян элла гыч толшо- влакым гына эскерымашке налме. Шуматкече гыч чыла йот элла гыч толшо- влакым тергаш тӱналме. Тӱҥ санитар врачын  увертарымыж почеш, гигиена да эпидемиологий рӱдерыште коронавируслан тергымаш кум смена дене шукталтеш. Тазалыкаралтыш министр Марина Панькова увертарен: республикыште 8 инфекций стационарыште полыш пуалтеш. 251 инфекций койко уло: 150-же йоча- влаклан, 101-же кугыеҥ-шамычлан. Пневмоний чер да коронавирус шотышто коктеланымашым лукшо- влаклан 580 койкым ямдылыме. Тушечын 182-шо- районлаште. Эмым ситарыме йодыш дене аптеке да медицина организаций- влак шотышто мониторинг эртаралтеш. Кызыт эм ситышын уло, - каласен министр. Тиддеч посна кажне еҥ оласе кокымшо поликлиникыште тергымашым эртен кертеш. Паша кечын гына огыл, каныш кечылаштат мияш лиеш. Маскым медицина пашаеҥ- влаклан гына огыл, полицейский- влакланат ситараш темлыме.

Прошлые выпуски