Светлана Солнцева калыклан онлайн- приёмым эртараш тӱҥалеш

Кугыжаныш Думын депутатше- влакын регионысо арняшт эрта. Тудын кышкарыште Светлана Солнцева мер приёмныйышто онлайн- приёмым эртарен. Тудын деке вич еҥ йодыш дене лектын. Мутлан, Йошкар-Ола да Медведево район гыч шуко шочшан еш- влакым илыме верым саемдыме да мланде участкым налме йодыш тургыжландара. Йошкар-Ола гыч самырык еҥ пашаверым муаш полшаш йодын. Оласе еш ипотеке почеш налог вычетым пӧртылташ умылтарымашым йодын.  Медведево районысо Поланур ялыште илыше- влак Кугу Сарыште лийше землякыштлан обелискым ышташ да корным олмыкташ полшаш йодыт. Светлана Солнцева чылаштым колышт лектын, умылтарымашым пуэн, контрольыш налын. Тудо тыгак палемден: коронавируслан кӧра, калык дене вашлиймашым кызытсе технический йӧн полшымо дене дистанций гыч эртараш тӱҥалам. Кугыжаныш Думын депутатше- влак чыланат тыгай йӧным кучылтыт, - каласен тудо.

Прошлые выпуски