Шолыштмо азам пӧртылтымӧ

Теҥгече увертаренна ыле: Йошкар-Оласе Перинатал рӱдер гыч шочшо ӱдыр азам шолыштыныт. Аваже икмыняр минутлан процедурыш лектын улмаш. Вигак полицийын личный составшым йол ӱмбаке шогалтыме, Йошкар-Ола гыч лекме корнылаште ГИБДД пашаеҥ- шамыч машина-влакым тергеныт, «Лиза Алерт» кычалше отрядын волонтёржо- влакат ушненыт, штабым ыштыме, доброволец- влак чумыргаш тӱналыныт. Ориентировкым пижыктылме, калык деч йодыштмо, видеокамера- влакым тергыме. Кок уголовный пашам тарватыме. Йӱд лишан йомшо ӱдырым мумо, тудо илыше. Тыге кычалмашым чарыме. Увер лийын: перинатал рӱдерыште 40 ияшырак ӧрдыж ӱдырамашым ужыныт, шинчалыкым чийыше, каре причёскым ыштыктыше. Лӱмым каласыде увертарыме почеш, пуйто шолыштшо ӱдырамашын марийже полицийыш йыҥгыртен да йоча мемнан дене манын увертарен. Полиций пашаеҥ- влак 33 ияш ӱдырамашым кученыт. Йоча тудын пӧртыштыжӧ лийын. Ӱдыр таза, ача-аважлан пӧртылтымӧ. Теве мо рашемын: полиций пашаеҥ- влак азам ыштыме пӧртын пациенткыже- влакын историйыштым терген лектыныт. Ик ӱдырамашын кугу срокыш шумеке, эҥгек лийын, шочшаш йочаже колен. Но лишыл еҥже- влаклан увертарен огыл. Эмлыме вер гыч лекшаш годым, шочшо аза- влакын пӧлемышкышт пурен да шкет кийыше азам солалтен каен. Тудын шотышто судебно- психиатрический экспертизым эртараш палемдыме. Таче перинатал рӱдерын тӱҥ врачше Николай Сушенцовым должностьшо гыч кораҥдыме. А Республикым вуйлатыше Александр Евстифеев республикын тазалыкаралтыш министрже Марина Паньковалан выговорым увертарен.

Прошлые выпуски