Республикысе кум районышто «Йолешке» профилактике мероприятийым эртарат
Республикысе кум районышто: Медведево, Оршанке да Килемар кундемлаште, теҥгече да таче ГИБДД пашаеҥ- влак «Йолешке» профилактике мероприятийым эртарат. Акций пассажир- влак дене ДТП ынже лий манын эртаралтеш. Тенийсе кум тылзе жапыште ГИБДД-н Медведево пӧлка кундемыштыже йолешке- влак дене вич корно происшествий лийын. Тушто кок еҥ колен да кумытын эмганеныт. Тӱҥ амалжылан корно гоч йолын вончымо верлаште водитель- влакын тӱткышышт ситыдымым, йолешке- влакын пычкемыш жапыште йӱшӧ вуя коштмышт да тул волгыдым пӧртылтышӧ элементышт укелык шотлалтеш. Кок кече жапыште полиций пашаеҥ- влак йолын вончымо верлаште водитель- влакым правилым шуктымыштым да йолешке- влакын чын коштмыштым тергат.
