Александр Евстифеев тений шуктышаш корно паша шотышто совещанийым эртарен
Александр Евстифеев тений корным чоҥымо да олмыктымо йодыш дене совещанийым эртарен. Марий Элым вуйлатыше Александр Евстифеев вуйын шогышо еҥ- влак, отрасльын представительышт дене корным олмыктымо тургымлан организаций ден корно службын ямде улмышт нерген йодышым каҥашен. Тиде теме кызыт пеш пӱсын шога, манын тудо. Игечын леве шогымыжо да коклан йӱкшемдымыжлан кӧра, корно вашке лунчырга, шуко лакылам олмыктыман. Правительство председательын икымше алмаштышыже Александр Сальников тений олмыктышаш да чоҥышаш корно- влак нерген да ойырымо кугыт окса нерген ойлен. Йошкар-Олан мэрже Евгений Маслов кызыт корным велыктыман асфальт дене гына олмыкташ лиеш. Изирак корнылаште тыгыде кӱ кучылталтеш манын палемден. Александр Евстифеев вигак ешарен: Оласе калыкын да водитель- влакын пуштыланымыштым каласем: тыгыде кӱ дене олмыктымын нимогай пайдажат уке. Кызыт кодшо ийын олмыктымо уремла дене гына кошташ лиеш, молыжо –корно огыл, - олан рӱдыштыжат, тӱрыштыжат. Тендан деч раш да пайдале темлымашым вучем. Республикым вуйлатыше тыгак чыла муниципалитет кумдыкым шотыш кондаш кӱлеш да шошым кудывечылам, парк ден скверлам, корно тӱрым эрыктыме пашалан ямдылалт шуман манын.
