Александр Евстифеев регионлам вияҥдыме шотышто Россий Правительство комиссийын у составышкыже пурен
Марий Элым вуйлатыше Александр Евстифеев Россий Федерацийыште регионлам вияҥдыме шотышто Правительство комиссийын у составышкыже пурен. Тыгай документым Российын Премьер-министрже Михаил Мишустин пенгыдемден. Комиссийым Россий правительство председательын алмаштышыже Марат Хуснуллин вуйлата. Комиссийын цельже- элым вияҥдымаште верысе самоуправлений орган ден исполнительный кучемын регионысо да федерал органже- влак дене вашкылым ыштымаш.
