Российыште кочкыш сату ситышын уло
Калык контролёр- влак Йошкар-Оласе кочкыш сату кевытлашке рейд дене коштыныт да сатун мыняр улмыжым тергеныт. «Калык контроль» проектын еҥже- влак чылалан палыме кугу кевытлашке миеныт. Нуно шулдакан шӱраш ден макароным, кушкыл ӱйым ятыр налмым шекланеныт, сакыр ситышын уло. Кевытче- влак амал деч посна калыкын чолгаҥмыже нерген ойлат. Сату ситышын уло, ик шӧрлыкыштӧ тудо пыта гын, кече мучко ешарен кондат. «Калык контроль» проектын регионысо координаторжо Антон Волковын мутшо почеш, нуно сатун уло-укежым гына огыл, акым кугемдымым контрольыш налыт.
