Александр Евстифеев Волжск оласе эмлыме верлам ончен
«Тазалыкаралтыш» калыкле проектым шыҥдарыме кышкарыште Республикым вуйлатыше Волжск олаште лийын. Оласе рӱдӧ эмлыме верыште цифран флюорограф да цифран маммографий рентген аппаратан куснылшо медицина комплексым налме. Тудо 16 миллион утла теҥгем шога. Волжскысо йоча поликлиникыште капитально олмыктымо пашам шуктымо. Тудо ынде кызытсе жаплан келшыше йоча садым ушештара. Медперсоналын кажне кечын шуктымо пашашкыже «аныкан производство» технологийым шыҥдарыме. Тидыже изи пациент- влаклан врач деке толмо жапым кӱчыкемда да йӧнаным ышта. Тиде сомыллан 3 миллион теҥгем ойырымо ыле. Виш регистратура специалист- влак деке мийыме сомылым куштылемда, а амбулаторный карт- влаклан посна пӧлемым ойырымо. Эмлыме верын кажне пачашыже тыгак ойыртемалтеш. Иктыштыже участковый педиатр- влак приемым эртарат, весыште аҥышыр специалист- влак пашам ыштат. Поликлиникыште 16 тӱжем йочам эмлат. Республикым вуйлатыше «аныкан производствым» моло медицина тӧнежлаштат шыҥдараш темлен.
