Амбулаторий пӧртсийым пайремлаш ямдылалтеш

             Амбулаторий пӧртсийым пайремлаш ямдылалтеш. Медведево районысо Краснооктябрьскысе врач амбулаторийым чоҥен пытарыме. Тудым «Тазалыкаралтыш» калыкле проектын «Марий Элыште тазалыкаралтышын первичный звеножым уэмдымаш» регионысо программе кышкарыште чоҥымо. Кум тӱжемат шымшӱдӧ еҥан посёлкылан да воктелсе ял-влаклан тиде пеш кӱлешан событий. Тоштыжым 1959-ше ийыштак чоҥымо да ик ганат капитально олмыктымо огыл. 460 квадрат мерт кумдыкан зданийым  куд тылзыште чоҥен шындыме, у мебель ден оборудованийым вераҥдыме. Терапевт, педиатр, стоматолог, гинеколог, тӱшка практике врач пашам ыштат, медицина профилактике, кечывалымсе стационар, процедурный, прививке, физиокабинет- влак улыт- медперсоналлан да пациент-влаклан чыла йӧным ыштыме. Чылаже 47 миллион теҥге каен. Амбулаторийым Санкт-Петербургышто Киров лӱмеш военно-медицина академийым тунем пытарыше Дмитрий Лебедев вуйлата. Тудо «Земский доктор» программе почеш пашаш толын.
             Фото: МариМедиа.

Прошлые выпуски