Юрий Зайцев республикым вияҥдыме стратегийым ышташ эн сай темлымаш- влакын авторышт дене вашлийын

         Марий Элым вуйлатышын пашажым шуктышо Юрий Зайцев республикым вияҥдыме стратегийым ышташ эн сай шонымаш ден темлымаш- влакын авторышт дене вашлийын. Тиде вашлиймаш Республикым вуйлатышын пашажым шуктышын тӱналтышыже почеш ик тылзе шуктымо пашан лектышыже лийын. Тиде жапыште муниципал образованийлаште  17 стратегий сессий эртен, 12 тӱжем наре темлымашым погымо. Сенатор Константин Косачёв палемден: Марий Элыште стратегийым чумырымаш ӱлычын кӱшко шукталтеш,- тидыже моткоч кӱлешан. Тиде калыкын шонымашыжым шотыш налаш сай йӧн манын. Стратегийым республикысе калык шке ыштен,- каласен Юрий Зайцев. Тиде агропромышленный комплекс, унам вашлийме отрасль- аэропорт, пристань, Шереметев замок, Йошкар-Оласе сооружений- влак, ай-ти сфера, кӱшыл да кыдалаш шинчымаш дене кылдалтше тӱҥалтыш- влак, тазалык аралтыш да калыкым аралымаш, транспорт, коммунал да социал инфраструктура, корно да молат. Приоритет корно- влакым илышыш шыҥдарымаш сай лектышым пуышаш. Да каласыме йодыш- влакым иктешлыше документыш пурташ кӱлеш каласен Марий Элым вуйлатышын пашажым шуктышо.
             Фото: Марий Элым вуйлатышын организаций да аналитик виктемже.

Прошлые выпуски