Йошкар-Ола мэрийыште олтымо тургымын кунам тӱҥалшашыже нерген умылтареныт
Йошкар-Ола мэрийыште олтымо тургымын кунам тӱҥалшашыже нерген умылтареныт. Йӱла семын тудо сентябрь мучаш- октябрь тӱҥалтышлан логалеш. Шокшым пуымаш южын сутка мучко шогышо кокла температурыжо деч шога. Вич кече жапыште сутка мучко 8 градус деч юалгырак шога гын, вес кечынже шокшым пуышаш улыт. Сандене Йошкар-Олаште олтымо тургымын тӱҥалме жапше эше пале огыл. Ола озанлык виктемын специалистше да шокшым ситарыше- влак тӱжвал температурым эскерен шогат, игечым шотыш налын решенийым луктыт,- увертара мэрий. Лекше йодыш дене 60-03-32 номеран телефон дене йыҥгырташ лиеш.
