«Юл кундемыште Изи Третьяковка» ончер почылтеш

«Юл кундемыште Изи Третьяковка» ончер почылтеш
 Икымше ноябрьыште Калыкле сӱрет галерейыште «Юл кундемыште Изи Третьяковка» ончер почылтеш. Экспонат- влакым 100 ийым палемдыше Александр Григорьев лӱмеш художественно- исторический тоштер гыч налме. Козьмодемьянскысе колекцийын негызше- 1918-ше ийыште «Юл - Чолман кундемысе куснылшо выставке» лийын. Коллекцийын варасе пӱрымашыже Александр Григорьевын лӱмжӧ дене кылдалтын. 1919-ше ийыште тудо, профессионал марий сӱретче, уездысе образований пӧлкам вуйлатен да олаште тоштерым ышташ шонен. Тудым «Юл кундемыште Изи Третьяковка» манын лӱмден. Вара Москош каен. Тушто лӱмлӧ сӱретче- влакын 50 радынаштым оксала налын. Южо сӱретче шке пашажым тудлан шке пӧлеклен. Тыге коллекций пойдаралтын.

Прошлые выпуски