Марий Эл Кугыжаныш Погын кумшо сессийлан ямдылалтеш
Шымше созыв Марий Эл Кугыжаныш Погын шкенжын кумшо сессийышкыже 31-ше октябрьыште чумырга. Повесткыш пурташ 15 йодышым ямдылыме. Депутат- влак Звенигово да Шернур районласе мировой судья- влакым палемдат, никотин ден жидкостьым электрон йӧн дене ужалымашым шагалемдыме нерген у законым лукшаш улыт, алкоголь продукцийым ужалкалымашлан ешартыш чарымашым пеҥгыдемдыме нерген законым умбакыже шуен кертыт. Тыгак республикысе икмыняр законым федерал закон дене тӧр келыштараш палемдыме.
