Суд пристав- влак икмыняр автомобильым арестоватленыт
Суд пристав службын Йошкар-Оласе пӧлкаже- влак налог службо дене пырля налог парыман- влак деке рейд дене лектын коштыныт. Тушто 30 утла суд пристав, налог службын 6 специалистше лийын. Нуно парыман 89 еҥ деке миеныт. Порысышт ик миллионат 800 тӱжем теҥге погынен. Рейд жапыште 17 погым арестоватлыме, 134 тӱжем теҥгем тӱлыктымо, тӱлашлан 7 кӱштымашым кучыктымо. Тыгак кок автомобильым, быт техникым, куд гаражым, мланде участкым, сад пӧртым арестоватлыме. Варарак эше 75 адрес дене миеныт. Тиде гана 18 актым возеныт да погым арестоватленыт- ик миллион теҥгелан кум автомобильым, кок машинам поген налме, 40 тӱжем теҥге парымым терминал гоч пӧртылтеныт. Тыгак быт технике ден гаражым, пӧлемым, сад пӧртым арестоватлыме.
