Полиций пашаеҥ- влак республикысе ача-ава погынымаште участвоватленыт

Полиций пашаеҥ- влак республикысе ача-ава погынымаште участвоватленыт
Полиций пашаеҥ- влак республикысе ача-ава погынымаште участвоватленыт. МВД-н «К» пӧлкажым вуйлатыше Иван Смоленцев ача-ава да педагог- влаклан Интернет вотышто лӱдыкшӧ деч посна лийме нерген каласкален. «МФЦ Дирекцийыште» ача-ава комитетын чолга еҥже- влак, туныктышо- шамыч, педагог-психолог, Роскомнадзор виктемын еҥышт погыненыт. Погынышо- влакым туныктыш министр Наталья Адамова саламлен да ешарен: интернет дене чот пайдаланымылан кӧра, тыгай погынымашым эртараш шонен пыштыме. Погынышо- влак йоча- шамычын тунемме пашаште да тыглай илышыштат интернет ден пайдаланымыштын сай да осал могыржо нергенат ойленыт. Кызыт интернет деч посна илаш йӧсо гынат, кажне еҥ тиде вотышто осалым шонышо- влак денат вашлийын кертеш. Сандене Иван Смоленцев социал сетьлаште лӱдыкшыдымлык правил- влакым ушештарен да ача-ава- влак шке икшывыштым эскерышаш улыт манын. Мучашлан ача-ава- влак шке йодышыштым пуэденыт да раш вашмутым налыныт.

Прошлые выпуски