Шушаш ийын самырык тукымым патриотизм шӱлышеш шуарыме шотышто «Республикысе эн сай школ» ден «Эн сай туныктышо» конкурс- влак лийыт

Шушаш ийын самырык тукымым патриотизм шӱлышеш шуарыме шотышто «Республикысе эн сай школ» ден «Эн сай туныктышо» конкурс- влак лийыт
Шушаш Шарнымаш да Чап идалыкыште Марий Элысе школ- влак самырык тукымым патриотизм шӱлышеш шуарыме опытышт дене палдарат. Республикысе правительстве пӧртыштӧ Марий Элым вуйлатыше Александр Евстифеев туныктыш да шанче министр Наталья Адамова дене пашаче вашлиймашым эртарен. Мутланыме годым нуно «Республикысе эн сай школ» ден «Эн сай туныктышо» конкурс- влакын концепцийыштым каҥашеныт. Нуно Кугу Сеҥымашлан 75 ий теммылан ямдылалтме кышкарыште патриотизм шӱлышеш шуарымашлан пӧлеклалтыт. Марий Элым вуйлатыше организационный да моло тыгыде йодышымат рашемден. Наталья Адамован мутшо почеш, конкурс- влак шотышто положенийын проектшым ыштыме. Икмыше конкурсыштыжо тунемме тӧнеж- влак патриотизм шӱлышеш шуарыме паша опыт дене палдарен кертыт. Тиде Кугу Ачамланде сарым шымлыме, земляк- влак нерген шарнымашым кодымо, школ тоштерлаште  у экспозиций- влакым ыштымаш да молат лийын кертыт. Александр Евстифеев тыгак патриотизм шӱлышеш шуарыме курсым тунемме программыш да урок деч посна тунемме пашаш пуртымо нерген умылкален.  Министр каласен: школ программе лач тушко виктаралтын. Оласе, посёлкыласе, ялласе школ- влаклан грантым палемдыме нерген шоналташ кӱлеш. Паша тунемме идалык мучко шукталтеш. Но конкурсшо февральыште военно- патриотизм шӱлышеш шуарыме месячник кышкарыште лиеш. Иктешлымеке, Сеҥымаш кече вашеш ме пален налына: кӧн опытшым моло школыштат кучылташ лиеш. А эн сай туныктышым ойырымо шотышто педагог- влак кызыт методикым ямдылат, мероприятий- влакым эртарат. Тушто «Эн сай историй урок», «Эн сай сылнымут урок», Эн сай шочмо йылме урок», «Эн сай социал проект» номинацийлаште сеҥыше- влакым палемдаш тӱналыт. Республикым вуйлатыше мартлан педагогик конкурсын лектышыже дене палдараш йодын.

Прошлые выпуски