Автор мурым мурышо- влакын «Какшан сер ӱмбалне» фестивальышт эрла эрта

Автор мурым мурышо- влакын «Какшан сер ӱмбалне» фестивальышт эрла эрта
             Автор мурым мурышо- влакын регион кокласе кӱкшытан «Какшан сер ӱмбалне» кумшо фестивальыштым «Кугарня» газет  Йошкар-Олаште эрла эртара. Тудо Палантай лӱмеш тӱвыра да сымыктыш колледжын сымыктышын калыкле гимназийже воктене площадьыште Изи Какшан эҥер серыште Брюгге сер икымше пӧрт адрес дене лиеш, 18 шагатлан тӱҥалеш. Фестивальыште конкурсант- влак шке шонымо мурыштым гитаре да моло калык семӱзгар почеш мурат. Положений почеш моло авторын мурыштымат мураш лиеш. Ончычсо ийлаште Марий Эл деч посна Башкортостан, Хант-Манси автоном округ, Чуваший гыч участник- влак лийыныт. Икымше гана 2018-ше ийыште лийын. 2019-ше ийыште гран-прим- шым кылан гитарым- Морко район гыч автор-мурызо Валерий Петров сеҥен налын ыле. Вара коронавируслан кӧра фестиваль эртаралтын огыл. Тений фестиваль «Марий кеҥеж» республикысе программе кышкарыште эрта.

Прошлые выпуски