Тулык йоча- влаклан Лӱлпанысе рӱдерын футболистше- влак УФССП-н сотрудникше- влакым сеҥеныт
Тулык йоча- влаклан Лӱлпанысе рӱдерыште илыше- влак футбол пасушто УФССП-н сотрудникше- влакым сеҥеныт. «Суд пристав- влак- йоча-шамычлан» акций кышкарыште Суд пристав Федерал службо виктемын сотрудникше- влак уэш тулык йоча- влаклан Лӱлпан рӱдерыш миеныт. Йоча- влакым аралыме кече вашеш нуно ӱдыр- рвезе- влаклан пайремым ыштеныт. Йоча да суд пристав службын спортсменже- влак коклаште футбол дене йолташла вашлиймашым эртарыме. Матч пӱсын эртен. Тыршен кучедалме деч вара сеҥымаш рӱдерыште шуаралтше- влаклан логалын. Эн сайын модшылан у футбол мечым кучыктымо, а пӱтынь командылан- кубкым. Мут толмашеш- Лӱлпан рӱдерын футбол командыже шукерте огыл футбол дене Россий кӱкшытан таҥасымаш гыч ший медаль дене пӧртылын ыле. Лӱлпанысе рӱдерыште кызыт школыш коштдымо гыч тӱҥалын кугу класслаште тунемше- влак марте 40 утла еҥ ила.
Фото: Марий Элысе ФССП виктем.
Фото: Марий Элысе ФССП виктем.
