Балет артист да хореограф- влакын Россий кӱкшытан конкурсыштын программыжым увертарыме

Балет артист да хореограф- влакын Россий кӱкшытан конкурсыштын программыжым увертарыме
            Балет артист да хореограф- влакын Россий кӱкшытан конкурсыштын программыжым увертарыме. 20-шо гыч 26-шо апрель марте Эрик Сапаев лӱмеш опера да балет театрын сценыштыже кокымшо гана тиде конкурс эрташ тӱҥалеш. Тений тудо «Хореограф-влак» номинацийыште эрта. Конкурсын учредительже Россий Правительстве ден Россий тӱвыра министерстве улыт. А конкурсым ямдылыме да эртарымылан Росконцерт мутым куча. Конкурсын художественный руководительже- СССР-ын калык артистше Большой театрын хореографше Юрий Григорович. 20-шо апрельыште Эрик Сапаев лӱмеш опер да балет Марий Кугыжаныш академический театрын сценыштыже конкурсым почмаш лиеш. Тудо Москосо Станиславский да Немирович-Данченко лӱмеш академический музыкальный  театрын кум йыжыҥан «Блум. Четыре. Маленькая смерть» спектакльже дене почеш. Йодмаш почеш элысе 9 ола гыч 16 хореографым ойырен налме. Тиде конкурс ныл ияш цикл дене эртаралтеш. Кажне ийын ик номинаций лиеш. «Характеран да калык-сценылык куштымаш», «Кызытсе куштымаш», «Хореограф- влак», «Классик куштымаш». Кодшо ийын Йошкар-Олаште тудо «Кызытсе куштымаш» номинаций дене эртен.
       Фото: Тувыра министерстве.

Прошлые выпуски