Оршанке посёлкысо храмыште ковышта пайремым эртареныт

Оршанке посёлкысо храмыште  ковышта пайремым эртареныт
             Оршанке посёлкысо храмыште  ковышта пайремым эртареныт. Тудо Изивий рушарнян лийын. Ковышта гыч ямдылыме кочкыш- влак конкурсым «Капустник» манын лӱмденыт. Тудым кажне ийын черке пашаеҥ Любушка Оршанская лӱмеш эртарат. Шоҥго ӱдырамаш пакча пашам пеш йӧратен маныт. Тений 18 участник 22 кочкышым конден. Тушто шопыктарыме да тушитлыме, мариноватлыме ковыштамат, тӱрлӧ кочкышым, ковышта гыч когылым да котлетымат тамлен ончаш лиеш ыле. А гарнир шотеш тулотышто шӱштыра пареҥгым шолтеныт да шокшо чайм темленыт. Эн уста кулинарлан Инна Золотовам шотлымо, кокымшо верыш еш мужыр Владимир ден Татьяна Козловмыт лектыныт, кумшо верым Ирина Суворова налын. Чыла участник тауштымашан кагазым да шарнымашан сувенирым налын,- увертара Йошкар-Ола епархий.
      Фото: Оршанке храм.

Прошлые выпуски