Российысе чоҥымаш министерствыште Марий Элысе чоҥымо комплексым вияҥдыме йодыш-влакым онченыт
Российысе чоҥымаш министерствыште Марий Элысе чоҥымо комплексым вияҥдыме йодыш-влакым онченыт. Москошто Марий Элым вуйлатыше Юрий Зайцев ден Российын чоҥымаш, илыме вер да коммунал озанлык министрже Ирек Файзуллин вашлийыныт. Тушто тыгак Марий Элын чоҥымаш, архитектура, илыме вер да коммунал озанлык министрже Наталья Ошланова лийын. Росстатын ончыктымыжо почеш тенийсе икымше кок тылзыште 127 тӱжемат 700 квадрат метр илыме верым эксплуатацийыш налме. «Юл эҥерым тазаҥдымаш» федерал проект кышкарыште тений Килемар, Марий Турек да Параньга районлаште кум объектым пужен ыштыме лиеш, Йошкар-Оласе очистной сооруженийыште паша умбакыже шуйна. Тений Килемар, Звенигово, У Торъял, Медведево, Морко, Юрино районлаште «Ару вӱд» проект почеш 8 объектым ышташ тӱҥалыт. «Илыме вер да оласе кумдык» калыкле проектым да тушко пурышо федерал проект- влакым шыҥдарымаш калыкын илышыжым палынак саемдаш полша- вӱдын качествыжым нӧлталаш, кундемлам тӱзландараш, тошто пӧртла гыч калыкым кусараш йӧным пуа. Инфраструктур проектым чоҥаш да коммунал сетьым уэмдаш тӱрлӧ механизм ден инструментым ыштыме. Марий Эллан коммунал инфраструктурым уэмдаш регионысо проектым сайлан шотлымо. Тудын дене келшышын 61 меҥге кужыт сетьым пужен ышташ кӱлеш, - каласен Ирек Файзуллин. Юрий Зайцев проектлам шыҥдарыме нерген ойлен. Тенийланат кугу задаче- влак шогат. Тений «Аварийный пӧртла гыч калыкым кусарымаш» программым шындарыме иктешлыше идалык лиеш. Талук мучаш марте шуко пачеран 12 пӧртым чоҥен шуктен, пашаш колташ палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
