Кажне кумылан еҥ марий йылмым тунем кертеш

Кодшо шуматкечын Йошкар-Олаште марий йылмым оксам тӱлыде тунемме курс почылтын. Тудо 1-ше май марте шуйна. Занятийым лӱмлӧ туныктышо- влак вӱдат. Тиде- филологий науко доктор, МарНИИЯЛИ-н тӱҥ шанче сотрудникше Любовь Абукаева, филологий науко кандидат, Марий туныктыш институтын марий филологий да культурологий кафедрыжын доцентше Надежда Гусева да филологий наука кандидат, Марий туныктыш институтын марий филологий да культурологий кафедрыжым вуйлатыше Елизавета Игнатьева. Тунемше- влакым кок тӱшкалан шелме. Иктыштыже йылмым палаш шонышо- влак, весыштыже изиш палыше- влак улыт. Тунеммаш шуматкече еда 10 шагатлан тӱналеш да кок верыште эрта: историй да археологий тоштер ден МарНИИЯЛИ-ште. Курсым почаш тӱҥалтышым шанче институт, калыкле тоштер, шочмо йылме- влакым туныктышо- шамычын ассоциацийышт да марий калыкын кучен ончаш лийдыме поянлыкшым арален кодымо да вияҥдыме шотышто «Ош кече» фонд ыштеныт.

Прошлые выпуски