Колонийыште шинчыше- влакым марий тӱвыра дене палдареныт
Республикысе 5-ше номеран исправительный колонийыште шинчыше- влакым марий калыкын илышыже да йӱлаже дене палдареныт. Лекцийым республикысе калык усталык рӱдерын специалистше- влак эртареныт. Шинчыше- влаклан Российысе финн-угор тӱвыра рӱдерын ямдылыме «Мари. Пайрем да тыглай кече- влак» фильмым ончыктеныт. Тудым куд кече жапыште Морко, Медведево, Курык марий да Звенигово районлаште возымо. Тушто йылмым, илыш ойыртемым да йӱлам арален коденыт, манын ойлат возгалыше экспедицийын еҥже- влак. Погынышо- влаклан сӱан йӱлам, марий кочкыш рецептым, вынер куэмым ышыме йӧным ончыктеныт, кӱсле дене шокташ туныктеныт. Шинчыше- влак кокла гыч 90 процентше Марий Эл гыч улыт. Туге гынат шуко уым пален налыныт. Моло кундемла гыч тышке колтымо- влак икымше гана марий тӱвыра нерген пален налыныт.
