Тенийлан республике ончылно шогышо тӱҥ задаче- влак аралалт кодыт

Калыкле проект- влакым шыҥдарымаш, Кугу Сеҥымашын 75-ше идалыкшылан ямдылалтмаш да республикын 100 ияш лӱмгечыже- 2020-шо ийысе тӱҥ задаче- влаклан шотлалтыт. Тиде теме- влак Республикым вуйлатыше Александр Евстифеевын правительствын еҥже, муниципал образованийлам вуйлатыше- влак дене эртарыме совещанийыште тӱҥ лийыныт. Погынымаште тыгак Российысе финанс министерстве дене Республике коклаште кодшо ийын ыштыме ойпидышым да районласе бюджет- влакым кузе шуктымым иктешлыме. Республикысе финанс министерствым вуйлатыше Алексей Торощинын мутшо почеш, 1-ше январьлан парым шотышто целевой показательым тӱрыс шуктымо. Республикын бюджетышкыже налог да налогдымо парышым 17 миллиардат 229 миллион теҥгем пыштыме. Тачысе кечылан планым 101 процентлан шуктымо. Правительство председательын икымше алмаштышыже Александр Сальников палемден: ончылгоч шотлымо почеш, Марий Эллан федерал кучем деч шуктыдымо мероприятий шотышто замечаний уке. Тиде Президентын майысе указшым шуктымо икымше идалык лийын. Республике регионысо 47 проект дене пашам ыштен да ныл миллиардат 500 миллион теҥге оксам налын. Тений эшеат кугурак паша вуча. Кугу нелыт муниципал образованийлам вуйлатыше- влак ӱмбакат возеш. Молан манаш гын, ятыр проект дене нуно заказчиклан шотлалтыт. Республикым вуйлатыше кажне проект дене кажне министерствылан раш заключенийым ышташ темлен. Тыгак Сеҥымашлан 75 ий темме да республикын 100 ияш лӱмгечыжлан ямдылалтме шотыштат чыла палемдыме мероприятий дене чаткан пашам шукташ кӱштымӧ. А республикын лӱмгечыже шотышто 20-шо январь марте тӱшка мероприятий планым ыштен шуктыман.

Прошлые выпуски