2019-ше ийыште кугыжаныш закупко дене ик миллиардат 500 миллион теҥге оксам аныклен кодымо

Марий Элын кучемже эртыше 2019-ше ийыште кугыжаныш закупко дене ик миллиардат 500 миллион теҥге оксам аныклен коден. Единый электрон торговый площадкын экспертше- влак закупко шотышто иктешлыше увер системын данныйжым шымлен лектыныт да тынар теҥге аныкым рашемденыт. 19-ше ийыште чылаже 20 тӱжем утла кугыжаныш контрактым 19 миллиард наре теҥгелан пеҥгыдемдыме. 2018-ше ийыште тынарракак контрактым 13 миллиард наре теҥгелан ыштыме ыле. Эксперт- влакын ончыктымышт почеш, изи да кыдалаш предпринимательстве аланыштат кугыжаныш закупко сай лектышым ончыкта. Регионысо тичмаш закупко гыч Изи бизнесын закупкыжо 60 утла проентыш шуэш. Тидыжат сай: изи бизнесын закупкыжо Марий Элын бюджетшылан 620 миллион теҥгем аныклен кодаш йӧным ыштен. Тидыже тӱшка экономийын 41 утла процентше лиеш.

Прошлые выпуски