Таче Тошто У ий пайремым вашлийына
13-шо гыч 14-ше январьыш куснымо йӱдым элысе калыкна эше ик гана У ий пайремым палемден кертеш. 1918-ше ийыште Россий акрет годсо юлианский гыч григорианский календарьыш куснен. Тыге Европо дене кок арняш ойырем кораҥдалтын. Тиддеч вара мемнан Тошто У ий пайрем лектын. Йошкар-Оласе Ленин лӱмеш площадьыште У ий городок умбакыже пашам ышта. Таче «Тошто У ийын феерийже» пайрем программе лиеш. Оласе моло площадкыштат мероприятий- влак лийыт. Мутлан, Сеҥымашын 30-шо идалыкше лӱмеш тӱвыра полатыште СССР жапысе семын У ий кас эрта.
