Новочебоксарыште Марий Эл гыч куржталше-влак куд гана чап пьедесталыш кӱзеныт

Новочебоксарск олашке Юл кундем округысо чыла кундем гыч куштылго атлетике стартыш 900 наре виян спортсмен погынен. Тушто куштылго атлетике дене Юл кундем округын чемпионат ден первенствыже лийын. Таҥасымаш леведыш йымалне эртен. Марий Элын атлетше- влак почёт пьедесталыш куд гана кӱзеныт. Мутлан, Людмила Лебедева Чувашийым вуйлатышын кубкыштыжо кум меҥге кужытыш куржмаште кокымшо лийын, Наталья Кожина чемпионатыште 60 метрыш куржмаште икымше верым налын, Егор Кузнецов ден Анна Сашина первенствыште 18 ияш марте атлет- влак коклаште 800 да кум тӱжем метрыш куржмаште ший призёр лийыныт, ӱдырамаш эстафете команде финишыш кокымшо толын, Никита Чирков первенствыште 20 ияш марте спортсмен- влак коклаште 800 метрыш куржмаште кумшо верым налын.

Прошлые выпуски