Чавайн лӱмеш книгагудышто «Идалыкын библиотекарьже» конкурс иктешлалтын
Чавайн лӱмеш книгагудышто «Идалыкын библиотекарьже» конкурс иктешлалтын. Тений Козьмодемьянск оласе йоча книгагудын пашаеҥже Ирина Микушкина сеҥышыш лектын. Финалыште 15 еҥ гыч визытынже логалыныт. Кажныжын пашам ыштыме стажше 11 гыч 17 ий марте. Конкурсант-влаклан шке пашаштым сайын палымыштым ончыкташ кӱлын. Шуко заданий марий йылме да сылнымут дене кылдалтын. Вет тенийысе конкурс Марий автономийым ыштымылан 100 ий теммылан пӧлеклалтын. Тидымат палемдыман: конкурс кышкарыштак кок библиотекарьым «Марий Эл тӱвыран сулло пашаеҥже» лӱм дене палемденыт. Тиде Роҥго книгагаудын вуйлатышыже Любовь Калининам да Чавайн лӱмеш книгагудын пашаеҥже Ирина Карасёвам.
