Верысе иницатива» программыш ушнаш 87 йодмаш пурен

 2021-ше ийыште Марий Элыште «Верысе иницатива» программыш ушнаш 87 йодмаш пурен. Сеҥыше-влакым 7-ше октябрь марте ойырышаш улыт. Эн шуко проектым Медведево, Звенигово ден Советский район-влак темленыт.  Кажне проект калыкын илыме условийжым саедмаш  - корным тӧрлаш, каныме верлам тӱзаташ, шарнымаш оҥам почаш, спорт але йоча площадкым ышташ - виктаралеш. Шушаш ийыште тиде программылан республикын бюджетше гыч 17 миллион утла теҥге окса ойыралтшаш. Конкурсыш пуымо эн шерге проект-влак кокла гыч кумытым палемдаш лиеш. Тиде Медведевысе Тазалык аллейым тӱзатыме, Козьмодемьянскыште сареш колышо салтак-влаклан обелискым тӧрлымӧ да Волжский районысо Красная Горка ялыште  корным ачалыме шотышто проект-влак. Кодшо ийын Марий Элын правительствыже 42 пашам кӱлешанлан шотлен да шийвундым ойырен.

Прошлые выпуски