Марий Элым вуйлатыше Россий Президентын Федерал Погынымашлан Посланийжылан комментарийым пуэн

Марий Элым вуйлатыше Россий Президентын Федерал Погынымашлан Посланийжылан комментарийым пуэн
           Марий Элым вуйлатыше Россий Президентын Федерал Погынымашлан Посланийжылан комментарийым пуэн. Юрий Зайцев теҥгече Москошто Гостиный дворышто Владимир Путинын ойлымашыштыже лийын. Обращенийжым тудо келге содержаниян да куатле манын аклен. Кызыт чылан ужыт: ола ден ял- влак вашталтыт, кажныже кугыжаныш велым поддержкым шижеш. Элна производствым кугемда, обороноспособностьым пеҥгыдемда, палемдыме курс почеш ӱшанлын кая. Россий у проект- влакым тӱҥалеш: «Еш», «Российын самырык тукымжо», «Кужу да чолга илыш», «Кадр». Президент посланийыштыже регионлам вияҥдыме йодышешат шогалын. Бюджет кредит шотышто парымын кок кумшо ужашыжым списатлаш задачым шынден. Тидыже Марий Эллан школлам, спорт объектлам чоҥаш ярсыше 6 миллиард наре теҥге оксам колташ йӧным пуа. Тений икымше январьлан шотлымаште  бюджет кредит дене тӱшка парым 8 миллиардат 900 миллион теҥге кодын. Тушечын 5 миллиадат 900 миллион теҥгеже списатлымашке логалеш. Тыгай решений мемнан республикылан кугу значенийым налын шога да Марий Элын ончыкылыкшылан влиянийым ышта, - каласен Юрий Зайцев.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски