Чодыра озанлык пашаеҥ- влак колым кученыт
Чодыра озанлык пашаеҥ- влак колым кученыт. Кодшо каныш кечылаште Кокшайск лесничестве кундемыште Юл эҥерыште чодыра озанлыкыште тыршыше- влак ий йымач колым кучен таҥасеныт. Нунылан сай лектышым да пайдале канышым тыланаш пӱртӱс поянлык министр Алексей Киселёв миен. Чылаже 31 команде погынен. Кажныштыже кок еҥ лийын. Таҥасыме деч вара тыгай команде- влак сеҥышыш лектыныт. Пӱртӱс поянлык министерстве гыч Сергей Филенко ден Михаил Асекритов икымше верым налыныт. Кокшайск лесничестве гыч Владимир Кольмов ден Николай Петров кокымшо лийыныт. Кужер лесничестве гыч Николай Романов ден Дмитрий Мукомолов кумшо верыш лектыныт. А шкетын кучымаште Сергей Филенко икымше, Николай Петров кокымшо, Михаил Асекритов кумшо верым налыныт. Эн кугу- 160 грамм нелытан колым кучымылан спецприз дене Сергей Филенко палемдалтын А эн изи кол «Клён» компаний гыч Ольга Ветлугаевалан логалын- кум грамм нелытан кол, - увертара пӱртӱс поянлык министерстве.
Фото: Пӱртӱс поянлык министерстве.
Фото: Пӱртӱс поянлык министерстве.
