«Икымше медико-санитар полышым пуымо системым вияҥдымаш» регионысо проектым шыҥдараш тений 120 миллион теҥге окса ойыралтеш
«Тазалыкаралтыш» калыкле проектын «Икымше медико-санитар полышым пуымо системым вияҥдымаш» регионысо проектшым шыҥдараш тений 120 миллион теҥге окса ойыралтеш. Эн шуко окса- 99 миллион теҥге 17 фельдшер-акушер пунктым ышташлан колталтеш. Волжский районышто 5 ФАП уэемеш, Медведевыште – 3, Куженер, Морко да Шернур районлаште кокыт гыч, Курык марий, Марий Турек да Параньга велне- икте гыч. Кызыт проект документацийым ямдылаш подряд организацийым ойырымо сомыл кая. Медицина вашке полышым жапыштыже пуэн шукташ манын, санитар авиацийым кучылташ 15 миллион теҥге колталтеш. Икымше полышым пуышо медицина организацийын у модельжым 17 йоча да кок кугыеҥ поликлиникылаште шыҥдараш тӱҥалыт.
