Александр Гречихо: «Ак тыгаяк кодын, республикыште кочкыш сату ситышын уло».

Ял озанлык министр Александр Гречихо Марий Эл правительствыште кочкыш сату рынкыште лийын шогышо вашталтышым виктарыме да эскерыме шотышто оперативный штабын заседанийыштыже участвовтален. Тушто у вируслан кӧра, кочкыш сату шотышто ситуацийым каҥашыме. Пищевой да перерабатыватлыше предприятий- влаклан  сатум шукырак лукташ да социал кӱлешан кочкыш сатум тичмаш ситараш кӱштымӧ. Кызыт кочкыш сатум  108 процентлан, йӱышым 112 процентлан ситаралтеш. Шӧр, сыр, торык, шыл, колбаса, консерве, полуфабрикат, кинде, кондитер сату, ложаш, комбикорма 100 гыч 132 процент марте лукталтеш. Александр Гречихо увертарен: республике шке калыкшылан кочкыш сатум тӱрыс ситара, кодшыжым моло кундемлашкат колта. Кокла ак да сату шапаш эре терген шогалтеш. Ак тыгаяк кодын, сату ситышын уло.

Прошлые выпуски