Республикысе кугыжаныш йылме- влак шотышто правительстве комиссийын заседанийже эртен
Йошкар-Олаште республикысе кугыжаныш йылме- влак шотышто правительстве комиссийын заседанийже эртен. Тудым Марий Эл Правительстве председательын икымше алмаштышыже, комиссийым вуйлатыше Михаил Васютин эртарен. Тушто корно пале да моло указательым кугыжаныш йылме ден возымо, кугыжаныш йылмылам Йошкар-Ола ден Медведево районышто кучылтмо, ончыкыжым шуко профилян полилингвальный школ- влакым ыштыме нерген ойлымо. Полилингвальный школ- влак кум але утларак йылме дене туныктат. Тудым тунем пытарыше- влак вузыш экзаменым ӱшанлын кучат да республикыште тӱн кадр лийыт. Шочмо йылме дене туныктымылан кугу тӱткышым ойырыман. Республикылан руш, марий да йот йылмылам палыше кӱкшӧ квалификациян еҥ- влак кӱлыт. Мутлан, 2022-шо ийлан Татарстаныште кудыт, Башкортостаныште 14 тыгай школ почылтшаш, - каласен МарНИИ-н междисциплинарный шымлымаш лабораторийын тӱн шанче пашаеҥже Любовь Абукаева. Комиссийын еҥже- влак ончылно тыгак транспорт министрын сомылжым шуктышо Александр Желонкин, Йошкар-Ола администраций вуйлатышын алмаштышыже Людмила Новосёлова, Медведево район администарцийым вуйлатышын алмаштышыже Николай Шалагин ойленыт.
