Шолыштмо окса дене ӱдырамаш телефоным да кочкышым налын
Полицийыш ик фирмын 53 ияш директоржо увертарен: Комсомольский уремыште верланыше энергетик компанийын офисше гыч 41 тӱжем теҥге йомын. Уголовный розыскын пашаеҥже- влак тергымеке, Медведево район гыч 35 ияш ӱдырамашын кышашкыже лектыныт. Тудо шкеак каласен: тиде зданийыште вахтёрлан пашам ыштыше родо лийше ӱдырамаш деке толын. Вахтёр изишлан кораҥмеке, кид йымаке логалше икымше сравочым налын да кабинетыш пурен, ӱстел яшлык гыч оксам солалтен. Вара 41 тӱжем теҥгелан телефоным, кочкыш сатум налын. Туддеч нигуш каяш огыл манын, подпискым налме.
