Марий Элыште эше 27 еҥ коронавирус дене черланен

Республикысе тазалыкаралтыш министерствын увертарымыж почеш, Йошкар-Оласе Эмлыме верын инфекций пӧлкаштыже таче эрлан эмлалтмаште 121 пациент лийын. нунын кокла гыч 31 еҥже нелын черланыше, 89 еҥжын черже кокла нелытан, икте- куштылгын черланен. Чылаже республикысе стационарлаште пеҥгыдемдыме да пеҥгыдемдыдыме инфекций дене 143 еҥ эмлалтеш. Таче кечылан эше 27 еҥын чержым пеҥгыдемдыме. Тыге, черланыше- влакын чотышт 118 еҥыш шуын. Тымарте 8 еҥ эмлалт лектын, ик ӱдырамаш колен. Россий мучко пытартыш суткаште кум тӱжемат 388 еҥ черланен, 292 еҥ эмлалт лектын, 28 еҥ ӱмыр лугыч лийын. Элна мучко 84 регионышто 24 тӱжемат 490 еҥ черланен, ик тӱжемат 986 тӧрланен. Тичмаш налмаште 198 еҥ ӱмыр лугыч лийын.

Прошлые выпуски