Чодыраште кишке пошен
Утарыше- влак шижтарат: тений йӱран игечылан да шокшо толмылан кӧра, чодыраште кишке- влак шукемыныт. Сандене чодыраш поҥгылан коштмо годым шекланаш кӱлеш. Адакшым еҥ-влак чодыраште пеш вашке йомын кертыт. Мутлан, ончылий утарыше- влак корным йомдарыше- влакым кычалаш 170 гана миеныт гын, кодшо ийын- 150 гана. А тений емыжым да поҥгым погышо-влаклан 80 гана полыш кӱлеш лийын. Но эше кеҥеж пытен огыл, ончылно шыже вуча. Марий чодыраште эн лӱдыкшылан шем кишке шотлалтеш. Тудын чӱҥгалме верыште йошкарга, пуалеш, вуй пӧрдеш, укшинчыкта, пӱжалтыкта да чытырыкта, шӱм кыра. Южо еҥ ушым йомдара, вӱр давленийже вола. Сандене чӱҥгалме еҥым вашкерак врач деке наҥгайыман. Кишкын аярже кеҥеж мучаш ден шыже тӱҥалтышыште поснак лӱдыкшо, маныт специалист- влак.
