Таче кече гыч кочмо, лудмо, каныме вер- влак пашам тӱҥал кертыт
Республикым вуйлатыше Александр Евстифеевын темлымыж почеш 24-ше июль гыч ресторан, книгагудо, унагудо, пансионат, санаторий, каныме база да икмыняр моло организаций пашаштым тӱҥал кертыт. Но чыла кӱлешан мерым шуктен шогыман. Тидын годым тӱшкан кочмо верлаште 50 процент верым гына айлаш лиеш, книгагудылаште ик еҥлан ныл квадрат метр кумдык лийшаш да метрат пеле дистанцийым аралыман, ик ӱстел коклаште ик ен гына шинчыман. Каласыме моло организацийыштыжат 50 процент верым гына айлаш лиеш.
